“Absoluut heerlik.

Ons was groep van 24 “girls” wat vir ‘n naweek weg was. Die plek het al ons verwagtinge oortref en ons het sommer alreeds besluit om volgende jaar terug te gaan. Dis soos ‘n mini-oord op sy eie. Die twee lodges was regtig baie mooi, en die kroeg en boma is so lekker naby mekaar. Ons het regtig onsself baie geniet. Die mense wat laat by die boma en kroeg gekuier het, het glad nie die mense gepla wat vroeg wou gaan slaap nie, want dis beskut. Dis regtig die moeite werd en die geriewe is ongelooflik. Theresa en Troy wat op die perseel bly, was so hulpvaardig en hulle het gehelp aflaai en alles was die hele tyd skoon. Ek sal verseker hierdie aanbeveel vir enige groot groep wat wil gaan rus en lekker kuier!
”